Súperstyrkir

Innra með okkur búa ofurkraftar sem við þurfum að virkja og hlúa að til þess að öðlast heilbrigða sjálfsmynd. Styrkirnir innra með okkur eru eins og ofurhetjur - eða Súper Styrkir. Ofurhetjurnar eru hins vegar ekki fullkomnar og hafa sitt kryptonít. Geta því ýmsar ógnir reynt á færnina þeirra og skiptir m.a. æfing máli til þess að viðhalda ofurkröftunum.
Super_Vinalegur-no-back.png
Super_Vitraenn-no-back.png
Super_Viðstödd-no-back.png
Super_Kröftug-no-back.png

Súper vinalegur

Ofurkraftar: Er súper vinalegur, er tilbúinn til þess að tala við fólk og eignast vini og kynnast þar með nýju fólki. Er opinn og ófeiminn, í góðri æfingu við að spjalla.

Ógnir: Einangrar sig þegar reynir á í stað þess að tala við einhvern og biðja um aðstoð. Sjálfsefi getur komið upp um að láta reyna á spjall og hvort hann verði dæmdur fyrir það sem hann segir.

​Súper vitrænn

Ofurkraftar: Þekkir vel tengsl milli hugsana, tilfinninga og hegðunar. Hefur góða innsýn inn í eigið hugarstarf og getur gert grein fyrir líðan hverju sinni. Er hann oftast fær um að stoppa óhjálplegar hugsanir.

Ógnir: Hugsanavillur geta ógnað honum með því að láta hann efast um eigin færni eða gildi. Getur hann einnig gleymt sér og tekið óhjálplegum tilfinningum sem staðreynd um hvernig honum eigi eftir að ganga.

​Súper viðstödd

Ofurkraftar: Á auðvelt með að róa huga sinn og líkama þegar eitthvað kemur henni í uppnám. Hún lifir í núinu og er viðstödd þótt að truflandi hugsanir eða áreiti geti átt sér stað. Stundar hugleiðslu og slökun til þess að viðhalda súper kraftinum sínum.

Ógnir: Óhjálplegar hugsanir og ytra áreiti geta ógnað kyrrð og ró líkama og hugar.

Súper kröftug

Ofurkraftar: Hefur hreyfiþörf og elskar alla hreyfingu. Sterk og veit hvað hreyfing hefur góð áhrif á ofurkrafta hennar og sálrænt jafnvægi. Æfir yoga eða einhvers konar virkni.

Ógnir: Gleymir að hlúa að líkama sínum þegar álag er mikið og skortir ekki útrásina sem er nauðsynleg til þess að viðhalda góðu jafnvægi í líkama og sál.

​Súper sátt 

Ofurkraftar: Ofurhetja sem er ánægð með sig þrátt fyrir að vera ekki fullkomin. Er sátt við sig og líkama sinn því hún veit að hún er einstak. Skilur hvernig hugurinn og líkaminn talar við sig þegar hún er svöng, þreytt eða langar til þess að hreyfa sig. Hugar að eigin líðan og setur mörk. Súper sátt samgleðst öðrum og tekur við hrósi.

Ógnir: Ber sig saman við aðra og tekur vanlíðan út á líkamanum með því að dæma hann á neikvæðan hátt. Notast við mælitæki sem eru ekki viðeigandi fyrir vellíðan og hamingju, eins og fatastærð eða tölu á vigt.​ Getur orðið öfundsjúk út í aðra og fundist hún ekki nógu og góð.

 

Súper ég

Ofurkraftar: Besta ofurhetjan sem hefur tileinkað sér styrkleikana frá öðrum súperstyrkjum. Súper Ég ert þú! Þú mátt hafa trú á þér og hæfileikum þínum því þú ert einstök manneskja með fullt af styrkleikum sem búa innra með þér. 

Ógnir: Sem manneskja, þá ertu með allar þær mannlegu tilfinningar og hugsanir sem mannfólk býr yfir. Stundum gerir þú mistök en það er allt í lagi því enginn er fullkomin.

Super_Satt-no-back.png
Super_Eg-no-back.png
SStyrkur-logo_RGB_svart.png